Á Margrétarhofi eru skýr ræktunarmarkmið og hjá okkur eru hryssur til að rækta hross í samræmi við það. Við ræktum ekki neina sérstaka ættlínu, er sama hvaðan gott kemur svo framarlega sem það hefur útlit, hæfileika og geðslag sem okkur líkar. Stóðhestavalið miðast við að bæta hryssurnar miðað við ræktunarmarkmið okkar. Markmiðið er að hafa fáar en góðar merar í ræktun og rækta hross sem við höfum gaman af að þjálfa og ríða.